კონფიდენციალურობის პოლიტიკა
სურნე ადარებს სუნამოსა და კოსმეტიკის ფასებს საქართველოს მაღაზიებში და ამისთვის თქვენი მონაცემები თითქმის არ სჭირდება: საიტზე არ არის რეგისტრაცია, რეკლამა და cookie-ები. ქვემოთ — რას ვინახავთ მაინც, რისთვის და როგორ წაშალოთ.
ვინ არის პასუხისმგებელი მონაცემებზე
სერვისი სურნე, საიტი surne.ge. მონაცემებს ვამუშავებთ საქართველოს კანონის „პერსონალურ მონაცემთა დაცვის შესახებ“ მიხედვით.
მონაცემებთან დაკავშირებულ ნებისმიერ საკითხზე მოგვწერეთ: info@surne.ge.
რას ვინახავთ
მხოლოდ იმას, რასაც თავად დატოვებთ საიტზე:
- ფასის გამოწერა — ელფოსტის მისამართი, პროდუქტი და მოცულობა, რომლის ფასსაც ადევნებთ თვალს, მისი ფასი გამოწერის მომენტში, საიტის ენა, რომელი ბმულით მოხვედით და როდის დაეთანხმეთ წერილების მიღებას.
- შეტყობინება შეცდომის შესახებ — რა არის არასწორი, პროდუქტი, მაღაზია და მოცულობა, თქვენი კომენტარი და ელფოსტა, თუ პასუხისთვის დატოვეთ.
სახელს, ტელეფონს, მისამართს და გადახდის მონაცემებს არ გთხოვთ, საიტზე ანგარიშები არ არის.
საიტის მონახულება
- გვერდების ნახვებს ვითვლით ისე, რომ არ ვიცით, ვინ ხართ: ვხედავთ ქვეყანას, მოწყობილობის ტიპს, ბრაუზერს და საიტს, საიდანაც მოხვედით.
- ვითვლით მაღაზიებში გადასვლებს: რომელი პროდუქტი, რომელ მაღაზიაში და რომელი გვერდიდან.
- თუ პოსტის ბმულით მოხვედით, ბრაუზერი 7 დღით იმახსოვრებს, საიდან გადმოხვედით — ასე ვხედავთ, რომელი პოსტებიდან მოდიან ადამიანები საიტზე.
- როგორც ნებისმიერი საიტის შემთხვევაში, სერვერი იღებს მოთხოვნის ტექნიკურ მონაცემებს, რათა გვერდი გაიხსნას. მათ არ ვაგროვებთ და თქვენთან არ ვაკავშირებთ.
რისთვის
- ფასების შესახებ წერილებს ვაგზავნით მხოლოდ თქვენი თანხმობით: გამოწერისას ველს თავად მონიშნავთ. თანხმობის გაუქმება ნებისმიერ დროს შეგიძლიათ — წერილში არსებული ბმულით ან მოგვწერეთ.
- შეცდომის შეტყობინებაში მითითებულ ელფოსტას ვიყენებთ მხოლოდ პასუხისთვის.
- ვიზიტებსა და გადასვლებს ვითვლით, რომ გავიგოთ, რით არის საიტი სასარგებლო და რა გავაუმჯობესოთ.
- მონაცემებს არ ვყიდით, რეკლამისთვის არ გადავცემთ და არ გიგზავნით წერილებს, რომლებიც არ გამოგიწერიათ.
ვინ ხედავს კიდევ მონაცემებს
მხოლოდ სერვისები, რომლებზეც საიტი მუშაობს, და მხოლოდ ამ სამუშაოსთვის:
- Neon — მონაცემთა ბაზა, ფრანკფურტი
- Vercel — საიტის სერვერები (ფრანკფურტი) და ვიზიტების დათვლა
- Resend — წერილების გაგზავნა, ევროკავშირი
- Zoho Mail — ჩვენი საკონტაქტო ელფოსტა, ევროკავშირი
სხვებს მონაცემებს გადავცემთ მხოლოდ მაშინ, თუ ამას საქართველოს კანონი მოითხოვს.
სად და რამდენ ხანს ვინახავთ
- სერვისები, სადაც თქვენი მონაცემები ინახება, ევროკავშირში მუშაობს.
- გამოწერას — სანამ არ გააუქმებთ, შემდეგ მისამართს ვშლით.
- შეცდომის შეტყობინებას — ერთ წლამდე, შემდეგ მასში მითითებულ ელფოსტას ვშლით.
- თუ სურნე დაიხურება, ყველა ელფოსტის მისამართს წავშლით.
თქვენი უფლებები
მოგვწერეთ info@surne.ge მისამართზე და ჩვენ:
- გეტყვით, რა მონაცემებს ვინახავთ თქვენ შესახებ;
- გავასწორებთ ან წავშლით მათ;
- შევწყვეტთ წერილების გამოგზავნას.
გპასუხობთ 10 სამუშაო დღის განმავლობაში. თუ ფიქრობთ, რომ თქვენი უფლებები დავარღვიეთ, შეგიძლიათ მიმართოთ პერსონალურ მონაცემთა დაცვის სახელმწიფო ორგანოს ან სასამართლოს.
ბავშვები
გამოწერა შესაძლებელია 16 წლიდან. თუ უფრო პატარა ბავშვმა დაგვიტოვა თავისი მონაცემები, მოგვწერეთ და წავშლით.
მონაცემების დაცვა
საიტი მხოლოდ დაცული კავშირით იხსნება. მონაცემთა ბაზასა და ელფოსტაზე წვდომა მხოლოდ სურნეს გუნდს აქვს.
ცვლილებები
თუ პოლიტიკა შეიცვლება, ქვემოთ რედაქციის თარიღს განვაახლებთ. მნიშვნელოვანი ცვლილებების შესახებ გამომწერებს მივწერთ.
რედაქცია: 19 ნოემბერი, 2026